Rave's Confession: Chapter 3

“Det, sige na sumama ka na...” Pamimilit ng classmate nyang si Erra na sumama sya sa batch outing nila.Pinag-iisipan pa kasi nya kung sasama sya o hindi.Tinatamad sya o baka hindi sya mag-enjoy. Iyon lang naman ang dahilan kung bakit ayaw nyang sumama. At isa pa, wala naman doon ang nagpapasaya sa kanya.

“Ang kulit mo! Pag-iisipan ko pa nga eh! Over night ba yan?” Tanong nya at saka inilapag ang mga gamit sa table. Nasa canteen sila. Vacant period nya kasi kaya doon na muna sya tatambay at para makapag-snack na rin.

“Oo overnight syempre. Kilala mo naman mga batchmates natin eh. Saka para ka namang others!Ikaw pa na game ka sa mga ganito, tapos ngayon nag-iinarte ka dyan!” Inirapan sya nito at naglakad ito patungo sa counter para bumili ng pagkain. Sumunod naman sya.

“Oo na nga! As if naman titigilan mo ako kung hindi ako sumama!” Napangiwi na lang sya at saka sumabay na dito. Ngumisi ito dahil napilit rin sya nito.

Nagmamadaling kinuha ni Detalie ang kanyang bag mula sa likod ng sasakyan ng classmate nya. Nakisabay lang sya dito para makatipid na rin ng pamasahe. Kasabay nya si Erra na maglakad papasok ng resort kung saan sila mag-oovernight. Sa pagkakaalam nya ay iyong classmate rin nya na may-ari ng sasakyan ang may-ari ng resort. Exclusive daw ang resort that time para solo ng batch nila ang lugar.

Namangha sya sa ganda ng landscape na nadaanan nya. Nasa unahan pa ang beach at nadaanan nila ang isang napakagandang bahay. Parang luma na ang bahay at sa tingin nya ay andoon na iyon mula pa noong panahon pa ng mga Kastila at tila maayos lang ang maintenance.

Pero mas nagulat sya nang makarating sa beach. Hindi lang batch nila ang nandoon kundi pati ang batch nila Rave! Parang tumatalon sa tuwa ang puso nya. She’s now hoping na kasama ng mga ito si Rave. Abot tenga ang ngiti nya habang naglalakad papalapit sa kanyang mga batchmates. Pero ang kanyang mga mata ay pasimpleng sinisilip ang kinaroroonan ng kabilang grupo. Hinahanap nya si Rave.

“Hindi mo sinabi sa akin na andito rin pala ang mga fifth year,” pabulong na sabi nya kay Erra.

“Hindi ka kasi nagtanong. Daming papables! Let’s get them!” Nakangisi pa ito at saka naki-join na rin sa kanilang ibang kasama.

Abala pa rin sya. Abala sya sa paghahanap kay Rave. Hindi nya kasi pinapahalatang may hinahanap sya sa kabilang grupo. Masaya naman pala ang outing nila. Maingay at nagkakagulo ang iba. Maraming tuksuhan, hiyawan at kahit ano pang mas lalon nagpaingay sa lahat. Nakiki-join na rin lang naman sya. Pero hindi nya pa rin maiwasang sumulyap sa kabilang grupo. And finally, nakita rin nya ang hinahanap na bitamina sa mata. Si Rave!

Nang medyo dumilim na ay nagsiuwian na ang iba. Ang ibang nagpaiwan naman ay nagsimula ng mag-inuman. Samantalang ang iba ay mas ginustong tumambay na lang sa baybaying dagat. Karamihan sa nagpaiwan ay ang hindi talaga umuuwi sa bahay nila, iyong mga sa boarding house lang tumutuloy. Kasama rin sya sa nagpaiwan. Napansin nya kasing hindi pa umuuwi ang kabilang grupo kay napagdesisyunan na rin nyang magpaiwan.

Abala ang mga kasama nya sa pag-iinuman. Kahit sya ay medyo tipsy na rin. Kaya para makaiwas ng tagay ay lumabas muna sya ng cottage at nagtungo sa baybaying dagat.

Madilim na ang paligid at malamig na rin ang hangin doon. Wala pa naman syang dalang jacket kaya niyakap na lang nya ang sarili. Umupo sya sa buhangin at saka pinagmasdan ang buwan na syang tanglaw sa madilim na paligid. Tama lang ang layo nya para hindi sya makita ng mga kasama nya.

Ngunit parang gusto nyang pagsisihan ang paglayo sa mga kasama. Naramdaman tuloy nya ang kahungkagan ng kanyang puso. Parang bigla iyon binalot ng lamig. Naaalala na naman nya si Joseph. Napapikit sya at dinama ang lamig ng hangin doon at muli ay nag-krus ang braso nya sa lamig. Tatayo na sana sya upang bumalik sa kinaroonan ng mga kasama at para na rin maiwasang bumalik sa kanyang isipan ang nakaraan, napansin nyang may isang taong papalapit sa direksyon nya.

Hindi nya ito makita dahil madilim pero sa pigura nito ay parang may hula na sya kung sino iyon. Parang may pwersang pumipigil sa kanya na umalis sa kinatatayuan at hintayin ang kung sino mang papalapit sa kanya.

Hindi nga sya nagkamali ng hinala. It was Race getting near her. Kitang kita na nya ang mukha nito. It seems that the moonlight made him look more handsome. Nakangiti pa rin ito na papalapit sa kanya.

“Hi Rave!” Bati nya dito nang tuluyan na itong makalapit sa kanya.

“Hi! Malamig dito ah, saka madilim pa. Delikado para sa isang babaeng magandang tulad mo ang mag-isang tumambay dito.” Panenermon nito nang hindi man lang nabubura ang ngiti sa mga labi nito.

“Malamig nga, pabalik na sana ako sa cottage bago ka pa dumating,” sagot nya at saka biglang umihip ang malakas na hangin. Mas napahigpit ang pagyakap nya sa sarili. Napansin naman nyang hinubad ni Rave ang jacket nito.

“Here, isuot mo na muna. This will keep you warm.” Tinulungan pa sya nitong maisuot ang jacket. Naisip nya tuloy n asana yakap nalang ang ini-offer nito at siguradong hindi na sya lalamigin. Napangiti na lang sya sa isiping iyon. Buti na nga lang at hindi nito napansin dahil nakaupo na ito sa buhangin. Umupo naman sya sa tabi nito, but she still managed to keep a one meter distance from him.

“I thought babalik ka na sa cottage nyo?” tanong nito.

Nadismaya tuloy sya sa narinig at akmang tatayo na sya ay pinigilan naman sya nito. Hinawakan siya nito sa braso. Kahit naka-jacket pa sya ay kakaiba ang naramdam nya sa simpleng paghawak nito sa kanya. Parang gusto nyang hawakan na lang sya nito forever!

“I was just kidding. Hindi ka naman pala mabiro. You can join me here Det. Kaya rin naman ako pumunta ditto para makasama ka.” He smiled and finally moved near her.

Katahimikan. They were so near but it seems na ang layo nila sa isa’t isa dahil wala man lang nag-a-attempt magsalita sa kanila. They were both staring at the moon nang matukso syang lingunin ito. Nakatingala ito sa langit with his eyes closed. Malaya nyang natitigan ang gwapong mukha nito kahit ang liwanag lang na mula sa buwan ang nagsisilbing ilaw nang mga sandaling iyon.

 PREVIOUS NEXT